أنا هرد في البوست ده علي الناس اللي بتقولي ليه صبرتي علي طليقك كل ده وليه بتتكلمي دلوقتي..... وبعدها هرد علي موضوع اني اتمسكت في قضية آداب ده واني مدمنة كحول وبوردرلاين وانه فيمينيست!!!
بس خليني الأول أوضح استيائي الشديد جداً جداً من كل الناس اللي قالوا تستاهل وهي اللي سكتت من البدايه..
وخليني في الأول اشرحلكم ان اللي بتعملوه ده اسمه (لوم الضحية) وده شئ بينبع عموما من رغبة الانسان في إزاحة المسئولية عن نفسه زي مثلاً حد يشوف بنت بتتعرض للتحرش فيقول تستاهل هي اللي لابسه كذا وده بيكون نتيجه أنه عارف أنه لو اتدخل ممكن يتبهدل أو يتضرب فبيقرر يزيح المسئولية عشان ميحسش بالذنب
وفي حالتي أنا الناس رافضين يعلنوا دعمهم ليا أو تعاطفهم أو تصديقهم ليا لأنهم ممكن جداً يتعرضوا للهجوم بسبب دعمهم لبنت ملحدة أو (ملهاش اهل يلموها) زي ما بعض الناس كتبوا... وكمان محدش فيهم هيقدر يساعدني فبديلاً عن اعلان الدعم ليا وأحساسهم بالزعل أو الذنب والسوء فبيقرروا يقولوا هي اللي تستاهل وهي اللي سكتت من الأول (زي مابيحصل مع أي ضحية عنف او أذي او تحرش تقرر تتكلم وتحكي)
فخليني احكيلكم ظروفي في فترة جوازي من طليقي رغم اني المفروض مكونش مضطره لتبرير وضعي..
اولاً انا كنت عيله صغيره عندي ١٩ سنة ومستقلة عن أهلي بسبب مشاكل أنا في غني عن الخوض في أسبابها دلوقتي زي ما فيه مستقلات كتير جداً جداً في مصر بسبب وضع المرأه في مصر واللي كلنا عارفينه..
ومكانش معايا حد يسندني وبالتالي في معظم الأوقات كنت بتغاضي عن اللي بيحصل لأن معنديش بديل ومعنديش طاقة احارب بيها في كل ده
وكمان مكانش عندي الوعي الكافي اللي يخليني استوعب إني ضحية عنف وبتعرض للأبيوز من شريكي..
اما بخصوص سكوتي الفترة دي كلها فدة لإن محدش فيكم حب إحساس ان يكون مظلوم من شخص مشهور وبياخد تمويل ودعم مادي (أنا مش ضد الدعم المادي ابداً للتوضيح يعني) وكمان ليه جماهير وناس بتدعمه وناس بيعتبروه رمز للملحدين في مصر ومينفعش سمعته تشوبها شائبة وطبعا اي حاجه هقولها بدال ما يعلنوا دعمهم هيهاجموني وهتبهدل زي مابيحصل خلال اليومين دول...
طبعا ضحايا العنف والعلاقات المؤذية بياخدوا سنين من حياتهم من التعافي والوعي والإدراك عشان يبدأوا يدركوا انهم كانوا ضحايا عنف وياخدوا خطوات حقيقية للتعافي خصوصاً في مجتمع عربي شايف ان الست بتتهان وتتبهدل عادي جداً وده شئ طبيعي وكلنا بنتربي بهذا الشكل وطبيعي بعدها لما اكبر واتجوز خصوصاً مع صغر سني وفرق سن ١٣ سنه بيني وبين طليقي ان مكونش مستوعبة ان ده اعتداء حقيقي وملهوش أي تبرير بأي شكل من الأشكال فطبيعي جداً وقتها اتصور معاه واكتب بوستات بتقول اننا مقسمين شغل البيت سوا وان حياتنا حلوة ومرتاحين (زي اي ست بتتعرض للعنف من جوزها وبعد مايعتذرلها ولا يقول معلشي استحمليني أو يضحك في وشها تتصور معاه وتنام جنبه بالليل وتقول أنه كويس وبيحبها وخصوصاً لو هو بيقولها انا بضربك عشان احميكي من نفسك)
فانتوا لو شايفين ان أنا استاهل فانا عاوزاكم تروحوا تقرأوا عن ضحايا العنف والعلاقات المؤذية وهل الاعتداء الجسدي من الشريك العاطفي غلطة المعتدي لوحده ولا غلطة الضحية والأسباب اللي بتؤدي للوم الضحية لإن الموضوع ده طويل ومقدرش اشرحه كله هنا..
إنما لو شايفين ان أنا غلطانة لإني فضحت ممارسات أحمد حرقان العنيفة في حقي أثناء فترة جوازنا لأنه رمز للملحدين ومينفعش نتكلم عليه والجو بتاع هتشمتوا المؤمنين فينا ده (فانا اسفه جداً ده تخيلكم الشخصي وأنتم مسئولين عنه بالكامل وأنا مش موجوده هنا عشان احققلكم تخيلاتكم دي وبالتأكيد مش هينفع اتغاضي عن كل ده ومتكلمش عنه لأنكم شايفين أنه شخص بيمثل الملحدين وأنا طليقة ممثل الملحدين ولازم نخضع لمعاييركم في الميديا)
أحمد حرقان مش رمز للملحدين وانا مش بخضع لمعايير الميديا اللي تعجبكم ومفيش حاجه اصلاً اسمها اننا بنضر بقضية الملحدين لأن مفيش حاجه اسمها قضية الملحدين لكن فيه حاجه اسمها (حرية الإعتقاد الديني) ودي حاجه كلنا مؤمنين بيها وبندافع عنها وده مش معناه ان احنا ملايكه عادي جداً ممكن يكون مننا فيه ناس عنيفة وناس معتدية زي طليقي اللي بيقول ضربت مراتي وكتفتها في فيديو لايف...
طليقي احمد حرقان قال اني اتقبض عليا واتعملي قضية آداب علي اساس انه كده بيشتمني (لسة بيخترع قصص ويشوهني بردو) يعني رغم ان ده محصلش واللي حصل تحديداً اني كنت عايشه مع (ديفيد ووالدته) بدون ورق جواز قبل مانتجوز وكنا منتظرين نعمل ورق الجواز لان كان عندنا خطه نقضي باقي حياتنا مع بعض لكن فيه حد طلبلنا الشرطة رغم ان الكومبوند اللي كنا عايشين فيه مبيدخلهوش تفتيش... وبالفعل الشرطة جت وخدونا حققوا معانا وأنا فضلت من العصر لغاية آخر النهار منتظرة في قسم الشرطة على كرسي برة (متحبتسش) وبعدها ودوني لمدير الأمن وسألني اسألة زي: (ديفيد نازل من أمريكا لمصر يعمل ايه؟.. تعرفي عنه ايه؟) وطبعاً رغم إني معرفش لحد دلوقتي السبب الحقيقي لمحاولتهم معرفة أي تفاصيل عنه... لكن المهم إنهم روحوني بعدها ولا اتعملي قضية اصلاً لأنه مفيش قضية اساساً....
وبافتراض حتي أنه اتعمل قضية أداب لاتنين عايشين مع بعض بدون ورق جواز... فدة عوار في القانون واضح جداً والمفروض يعني اننا بنحاربه وبنطالب بحرية الممارسات الجنسية خارج إطار الزواج وده الشئ المنطقي اللي كل العلمانيين والليبراليين والملحدين والحقوقيين بيطالبوا بيه...
فلما يشتمني بإني اتقبض عليا اداب ويخترع إني عليا قضية عشان كنت عايشه مع شخص متفقين أنا وهو علي الجواز فده معناه الوحيد أنه عنده ازدواجيه ومش عارف هو بيهرتل بيقول ايه...
طليقي برده قال واعترف في الفيديو بنفسه والكلام ده علي لسانه وأي حد يقدر يروح يشوفه في أول فيديو "انا بضربها بالقلم جامد علي وشها وبعدين اكتفها عشان متؤذيش نفسها"
طبعاً احنا لو في بلد محترم كان زمانه بيتعاقب بالسجن دلوقتي
لإن نظرية (أنه بيضربني عشان مصلحتي) دي نظريه ممكن يروح يقولها في السعوديه ولا إيران ويسقفوله عادي ويتبسطوا بيه..
بس لما يكون بيعتبر نفسه رمز للملحدين وبيقول علي نفسه علماني ونسَوي (اه طلع يقول انه فيمينيست)
يبقي موضوع بضربها عشان مصلحتها ده مجرد تهريج وهبل مينفعش حد يفكر فيه اصلاً...
وبافتراض اني بوردرلاين (اضطراب الشخصية الحدّية) زي ماهو بيقول فبرده ده ميديلهوش الحق بأي شكل من الأشكال انه يعتدي عليا ويضربني ويكتفني
ودلوقتي بقا ده مش مجرد ادّعاء .... هو طلع بنفسه في الفيديو قال أنه بيضربني ويكتفني..
طليقي قال كمان إني مدمنة كحول وأنا عمري ما ادمنت اي شئ في حياتي (أنا فقط مدخنة) ومفيش أي حاجه بتقول اني مدمنه ولو أنا مدمنه هعترف اني مريضة واروح اتعالج عادي جداً (المرض مفيهوش عيب)
طليقي بيقول اني قلتله اني بصرف عليه وأنه مبيقبلش حد يصرف عليه وبيشتغل من وقت ماكان عنده ١٥ سنة
فهو كداب تماماً لأنه بيجيله تمويل مادي شهري من الخارج وعنده باتريون واهو اللينك اي حد يقدر يدخل يتأكد من كلامي دا غير الدعم اللي بيجيله من أصدقائه من زمان (وانا أبداً مش ضد التمويل والدعم المادي) لكن بس أنا بوري للناس أنه ازدواجي وبيضحك علي نفسه وعلي الناس...
لينك الباترون اللي بيجيله عليه فلوس كل شهر اهو
‏https://www.patreon.com/AhmedHarkan
وعشان هو طالع يقول علي نفسه فيمينيست فأنت ياحمد كداب وضلالي وانت عارف انك كداب وضلالي وكلنا عارفين انك كداب وضلالي وانت عارف اننا عارفين انك كداب وضلالي ومش فيمينيست ولا حاجه ومع كده هشرح برده هو كداب ليه...
_أولا قال علي ساره عزام انها كانت قاعدة في مناطرة مع الحبيب علي الجفري وهي قاعده "قعده منفسخه ومنحله ومقرفه وسافله" هو اللي قال كده
(ومع كده اي حد هيرجع لصور المناظرة دي هيلاقي ان سارة عزام كانت لابسه جينز وبلوزه بكم طويل وقاعده عالأرض مربعة رجليها زي ماكل الناس قاعدين لان هي دي القعده في بيت "الحبيب علي الجفري" بتكون علي الارض)
ف ازاي هي قاعده قعده منفسخه وسافله؟؟ ويعني ايه اصلا قاعده سافله؟؟ وبافتراض برده انها مش لابسه جينز ولا بلوزه بكم طويل ازاي وصف القعده بأنها سافله؟؟ وإيه كيفية حكمه علي الستات وازاي بيقعدوا عشان يشوف انها قعدت بشكل سافل ومنفسخ؟؟ النسوي الفيمينيست علي اخر الزمن؟؟
_وفي اول فيديو ليه قال أنه شايف ان كل البنات اللي بيستقلوا عن اهاليهم ويعيشوا بعيد عنهم هم مرضي نفسيين وعندهم مشاكل نفسيه !!!!!! مع ان كل النسويين والنسويات في مصر بيطالبوا بحرية استقلال البنات وحرية الحركة ؟؟
_وبعدها قال علي علياء المهدي انها سيكوباتية ومبتعملش حاجة غير انها بتتعري !!!! مع ان من وجهة النظر النسوية فهو ان كل البنات ليها حق التملك الشخصي علي جسمها، تتعري بقا تلبس تولع في جسمها فدة شئ يخصها هي لوحدها !!!
_وبعدها قال ان سارة عزام اتحرشت بيه وانا بقتبس من كلامه اهو "فجأه لقيت إيديها بتسرح في كل حته في جسمي واقشعريت وارتعشت وخفت جدا" بعيداً عن كوميديا الموضوع لكن هو ذكر مصري أبيض ستريت ومفيش عليه أي نوع من أنواع الاضطهاد الجنسي فبيمثل ويكدب عشان يسقط شهادتها علي عنفه اللي هو بنفسه اعترف بيه !!! النسوي الفيمينيست!!
انت مؤمن بمبادئ سلفية ياحمد ولازم تعترف بإنك راجل ذكوري معتدي عنيف (ومفيش حاجه اسمها أنا برزع مراتي بالقلم واكتفها جامد عشان متأذيش نفسها) لأن ده كلام سلفي جداً وانت بتشتغل نفسك ولسه مؤمن بيه وبتدّعي العكس..
في النهاية بقا طلع معاه في اللايف اكونت فيك اسمه سيجموند فرويد بيقول أنه دكتور نفسي وشخصني من البوست بتاعي بإني بوردرلاين !!!!! سيجموند فرويد؟؟ شخصيا؟؟ بيشخصني من بوست كتبته؟؟ فين الاخلاق الطبيه وفين المهنيه ؟؟ وإلا بقا احنا ممكن نعمل مهنة اسمها دكاترة نفسيين للفيسبوك وكل واحد يطلع يسمي نفسه سيجموند فرويد يقرالنا أي بوست ويشخصلنا الحالة النفسية للي كاتبه!!!
المفروض اصلاً ان حتي الدكاترة النفسيين المحترفين بيخوضوا جلسات طويلة مع مرضاهم قبل مايحاولوا يشخصوهم لكن أنت خلاص بتلحن البوردرلاين وجايب ناس يلحنوها معاك..
وكمان قاعد تقول اني بحب الشطه الكتير في أكلي وده دليل اني بوردرلاين؟؟ بحب الشطه؟؟ بجد؟؟ ومن أدلّة اني بوردرلاين هو اني بحب الشطه؟؟ نو كومنت...
طيب خلاص أنا هفترض مع الكل دلوقتي اني بوردرلاين اهو
بس طلعت حكيت كل اللي حصل منك قدام آلاف الناس اللي انا عارفه كويس انهم هيشتموني وهينصروك ضدي لأنك مشهور ورمز وكدة...
ورغم ألمي الشديد جداً وانا بحكي جزء حساس جداً من تجربه شخصية في علاقة شخصية كنت فيها الطرف اللي بيتعرض للأبيوز ومنظري وحش طبعاً في مجتمع بيلوم عالضحيه وانا مدركة ده تماماً ورغم اني شايفه الناس بتشتمني وشمتانين فيا بقالهم يومين اهو فانا كمان طلعت اقول اني مؤمنه بحرية الممارسة الجنسية خارج اطار الزواج وباستقلال البنات لأن دي حاجات أنا مؤمنة بيها تماماً ومش هينفع اتنصل منها عشان اعيش الدور..
تقدر انت تقول كده ياسلفي ياللي مؤمن بالأفكار السلفيه اللي بتدّعي كذباً انك بتحاربها؟؟
عموماً يعني أنا كان هدفي من الحكي أولاً بداية طريق التعافي من أثر العلاقة المؤذية دي وثانياً عشان مفيش بنت تتحط في نفس موقفي ده معاك وثالثا عشان انت تتيقن تماما ان لما ترفع ايدك وترزع مراتك بالقلم ولا تضربها وتكتفها ده مش شئ بسيط ولا ليه اي تبرير ولازم هتدفع تمنه سواء في وقتها او حتي بعد مرور سنين علي انفصالكم
اما بالنسبه لرسايل تهديدك اللي بعتتها لخطيبتك ليه بتقول ان ده ميخصنيش ومتكلمش فيه؟؟ هو المفروض أنك تتهم خطيبتك بالخيانة ولما هي تحاول تواجهك تقوم تهددها وتقولها الناس هيقولوا ان ده فوتوشوب ومؤامرة من الأمن وانتي اللي هتخسري وتشتمها بأبشع الكلام واحنا نقف نتفرج عليك ليه يعني؟؟ (الاسكرينات هنشرها في الكومنتات) رغم انها كل ماحد يرفعها ياخد ريبورتات والبوست يتمسح بس هنشرها)
طيب ومريم حمدي اللي انت قلت انها خانتك؟؟ رغم انك كنت 30 سنة وهي 16سنه؟؟
يعني غير انك بيدوفيليك وبتحب تسيطر علي البنات صغار السن عشان تطلع فيهم عقدك بدون مايكون عندهم وعي كافي يخليهم يفهموا القصة فأنت بتتهم الجميع بالخيانة...
طليقتك المنقبة قلت انها خانتك وبعدها مريم حمدي قلت انها خانتك وبعدها أنا وقلت اني خنتك وبعدها خطيبتك سحر وقلت انها خانتك وكمان هددتها انك هتخرب حياتها بينها وبين اهلها فالمفروض ان كلنا خاينين كده؟؟ كلنا سيكوباتيين ونرجسيين وبوردرلاين ومجانين؟؟ والغريب في الموضوع أنك بتلفق التهم وتخترع قصص وتصدقها وتحاول تخلي الناس تصدقها....!
وعموماً أنا عاوزه الناس اللي بيلوموني عالسكوت طول الفترة دي يحطوا نفسهم مكاني في معادلة ضد واحد مشهور وبيجيله دعم والكوميونيتي بتاعه بيعتبروه رمز لقضية حرية الاعتقاد الديني..
وشكراً
٦١
١٥ تعليقًا٤ مشاركات
أعجبني
مشاركة
التعليقات
  • لا يتوفر وصف للصورة.
    ١
  • لا يتوفر وصف للصورة.
    ١
  • ربما تحتوي الصورة على: ‏‏نص‏‏
    ٢
  • ربما تحتوي الصورة على: ‏‏نص‏‏
    ٢
  • ربما تحتوي الصورة على: ‏‏نص‏‏
    ٣
  • لا يتوفر وصف للصورة.
    ٢
  • لا يتوفر وصف للصورة.
    ٢
  • ندى مندور في نوفمبر بعد ماعرف أخباري من صحابه ورفضت التصالح وكانت النتيجة انه رجع يشهر بيا تاني... مين اللي بيطارد مين؟!
    ربما تحتوي الصورة على: ‏‏نص‏‏
    ١
  • Mohamed Salah كل الدعم يا ندى واتمنى تخلي بالك على نفسك عشان الموضوع بيكبر، لازم أصحابك القريبين يبقوا جنبك وحاولي تنهي الحوارات دي -من غير ما تسيبي حقوقك- في أسرع وقت
    ٢
  • ضياء أحمد دماج انا شايف اولا ان الناس وقفت معك مش ضدك صديقتي واغلب التعليقات كانت معك فما توقفيش عند حد ولا اثنين واقفين معه .
    ثانيا كنتي معاه ببيت وناويين تتجوزوا او لا مالوش دخل فيه واللي يطالب بالحرية لازم يكون عارف ان كل بنت حرة تتصرف بجسدها وتنام مع اللي بدها لح    ...عرض المزيد
    ٣
  • Maryam Ayman هفضل اجي على كل بوست ب تكتبيه عشان اقولك كسمه على كسم اليوم اللي عرفتيه فيه.
    وهقولك انك جميلة تاني وتالت وعاشر، وانك تقدري تقاومي وانه أقذر من انه ياخد اكتر من كدا منك، ومش هنسى اكسم لصحابه المعرصين طبعا 🌷❤️
    ١
  • Noor Aysha Mohammed ارمي ورا ظهرك واشتغلي واكبري وبصي قدامك كفايه الي راح
    ٢
  • Mohamed Shokry انتي إنسانه جدعة و شجاعة
    ٢
  • Mery Mora كل الدعم والحب ليكي واتمني تتجاوزي وتبقي بخير ❤
    ١
  • Moh Ref Mahran محدش بيعيش عيشة حد 
    ومحدش يقدر اصلا يلومك على حياتك او اختياراتك لأن محدش كان فى مكانك 
    حقيقى بتمنالك راحة البال بعيد عن الوسط المريض ده اللى اغلبه بيدعى الحريه وهو غرقان لشوشته فى الكبت الجنسي     ...عرض المزيد
    ٢