ده اللي الناس في التحرير عاوزينه " خطة توافق وتطوير مصر " ايه رأيك؟
14 فبراير، 2011، الساعة 02:10 م
متابعة القراءة
ركة ملاحظة من قبل د. محمد حجازي على اليوميات لديك.
الاستاذ الشريف سالم القطامي مستني رأيك ضروري استأذنك في ربع ساعة من وقتك الغالي هتوفر علينا سنين وسنين من النقاش واحتمالات الفتنة في مصر فقط أقرأ الست ورقات دول بتمعن وشرفني برأيك
http://www.facebook.com/profile.php…
http://www.facebook.com/profile.php…
بسم الله الرحمن الرحيم
ب
خلاصة رأي أكثر من 2300مصري شاركوا بأسئلة وآراء
قام بالصياغة وإدارة الحوار:
...
بسم الله الرحمن الرحيم
ب
خلاصة رأي أكثر من 2300مصري شاركوا بأسئلة وآراء
قام بالصياغة وإدارة الحوار:
د / محمد حامد حجازي
hegazy.mohammad@gmail.com
انضموا الينا جميعا علي صفحة شعب مصر علي الفيس بوك
المباديء الأساسية
:
1- الله سبحانه هو خالق الكون ومالك كل ما فيه, والناس كلها خلقه يجب العدل بينهم , و نصرة المظلوم ويجب التصدي لكل ظالم
2- الإيمان بالله اكبر دوافع العمل و الحق والعدل يعتبر فيكل الكتب السماوية أكبر الفضائل " بالعدل قامت السموات والأرض" وبإلايمان يخاف الإنسان أن يظلم ولو أعداءه لأن الله لن يسامحه علي الظلم .
3- الشعب هو الحاكم علي مصالحه وهو فقط دون غيره يقبل أو يرفض ما يقدم من خطط إصلاح بلا أي وصاية من أي حزب أو جماعة أو لجان أو حركات .
4- صندوق الانتخابات يحسم بين المختلفين وعلي كل من يريد حكم مصر أو التحدث باسمها أن يقنع أولا هذا الشعب بأنه الأفضل وأنه سيقدم له الأفضل ثم يحظي بثقته غالبية الناس عبر الصندوق في انتخابات حرة يحكمها الإشراف القضائي الكامل
5- يجب علي كل من يعيش في مصر أن يعلم ويدلي بأهمية صوته ورأيه ومشاركته في الحفاظ علي هذه المبادئ وتطويرها وتصحيح الخاطئ منها وأن يحترم رأي غالبية الشعب في النهاية .
6- يجب علي كل من يحكم مصر أن يعلم فضل شعبها عليه أنه أتي به إلي كرسيه وأنه يمكنه ايضا ان يذهب به إذا لم يؤدي واجباته تجاه الأمة علي أكمل وجه
7- الحكم ليس منصبا شرفيا يسعي إليه ويتنافس عليه بل مسئولية سيحاسب عليها الحاكم "أجير الأمة "أمام الناس في صندوق الانتخابات وأمام المجالس الشعبية في الدنيا وأمام الله في الدار الآخرة .
ما هي الخطوات التي نقترحها حاليا للخروج من الوضع الراهن :
1. حل كل البرلمانات المجالس المزورة شعب وشوري ومحليات فورا .
2. " تنحي الرئيس المرفوض شعبيا والتحقيق معه في كل ما نسب اليه من جرائم وسرقات . " تم حاليا وبقيت المحاكمة "
3. إلغاء أمن الدولة فورا والإفراج عن كل المعتقلين الذين لم يتم ادانتهم قضائيا
4. عقد محاكمات فورية وعلنية لكل المتسببين بقتل وجرح وتعذيب وسرقة الشعب المصري .
5. إلغاء الطوارئ فورا أو حني إعلان موعد ثابت لإلغائها ويجب أن يكون هذا الموعد قبل عودة الشرطة وقيام اللجان الشعبية بالتنسيق مع الجيش لحفظ الأمن في هذه الفترة .
6. يتولي الرئاسة مؤقتا مجلس سداسي يرأسه رئيس المحكمة الدستورية العليا وأكبر ثلاثة قضاة آخرين بالمحكمة الدستورية ومعهم أكبر ضابطين بالجيش المصري علي ألا يجوز لأي منهم الترشح لأول انتخابات رئاسية .
7. الترتيب لإجراء انتخابات نيابية " شعب وشوري ومحليات " جديدة في مدة أقصاها شهرين من تاريخ حل المجالس المزورة وتكون الانتخابات بواسطة بطاقة الرقم القومي ويكفل حق التصويت للمصريين بالخارج
8-تعديلات دستورية سريعة تسمح بفتح باب الترشح لجميع المصريين المؤهلين لرئاسة الجمهورية بالانتخاب الحر المباشر وتمنع من تأبيد الرؤساء في الكرسي.
9. تشكيل حكومة وحدة وإنقاذ وطنية تشمل كل الاتجاهات والأيدولوجيات بدن استثناء أي منها وبنسب تقريبا مكآفئة لنسب نجاحهم في مجلس الشعب .
10. تعديل شامل للدستور لتنقيته من كل المواد المعيبة نوابنا المنتخبين في مجلس الشعب وليس بواسطة لجان لم نخترها نحن و لا نعرف من عينها ولا لمن ولاءها .
نكرر - الترتيب مهم جدا
المبررات لكل خطوة والأسئلة الشائعة التردد :
1- لماذا حل المجالس المزورة هو أول خطوة ؟؟ لأنها مزورة أولا و حني لا يجوز لرؤسائها المزورين حلول محل الرئيس المخلوع حتي ولو مؤقتا .
2- ليه مجلس سداسي يشمل الجيش ؟؟ عشان الجيش يمثل بشكل محترم لأنه درع البلد وعينه الساهرة وعلشان كمان هما عارفين مصلحة البلد وعندهم خبرة باعداءها أكثر مننا.
3- ليه اثنين ضباط مش واحد؟؟؟علشان منديش فرصة لواحد جديد يتفرعن ثاني ويضيع مستقبلا كل تضحيات ثورة شعبنا ودماء شهداءنا وجرحانا .
4- ليه اربعة قضاة واثنين ضباط ؟؟ علشان يبقي رجال الحق والقانون اكثر من رجال القوة-
5- ليه التعديلات الدستورية علي مرحلتين ؟؟ علشان نبقي علي مهلنا بعد ما البلد تستقر ونقدر نسمع آراء ومقترحات الناس والنواب الحقيقيين للشعب ولا يتم التحايل علينا بما يسمي باللجان .
6- ليه الاستفتاء علي مصير الرئيس المخلوع ومحاكمته ؟؟؟علشان نديله فرصه يدافع عن نفسه وميتقالش اننا ظلمناه وان في ناس بتحبه واتحرمت تعبرعن رايها. ولأن مينفعش نقول احنا بندافع عن الديموقراطية ونحرمهم يقولوا رأيهم.
7- هل يمكن تعديل الدستور فى غياب رئيس الجمهورية ورئيس مجلس الشعب؟؟ يمكن تحت رئاسة رئيس المحكمة الدستورية العليا للدولة مؤقتا اجراء انتخابات نيابية جديدة بإشراف قضائي كامل تفرز مجلسا صحيحا ويخرج نوابا يمثلوننا حقا يستطيعون تعديل الدستور قبل طرحه علي كل الشعب للاستفتاء العام بعدها.
8- "ليه مجلس سداسي ده عامل زي مجلس قيادة الثورة بتاع 52 وأنا مش مستريح؟؟؟المجلس السداسي مؤقت وهو فقط لمدة ستة شهور ولا يحق لاي منهم الترشح للانتخابات التالية ومتخافش من وجود العسكريين لان الغالبية لرجال القضاء والرئاسة لرئيس المحكمة الدستورية العليا وهم رجال قانون وكلها شهرين بإذن الله يكون ممثلينا الحقيقيين موجودين تحت القبة وغير حريصين علي مصلحة اي حد غير الشعب اللي حطهم وممكن كمان يشيلهم في أي وقت .
9- انا عايز انتخب المحافظ ورئيس المدينة كمان ...الخ من الطلبات ؟؟؟ يقولون في المثل " ثبت عرشك ثم انقش " لما الاول نخللي كل الدنيا برة وجوة تحترم رأي كل مصري وتسعي لكسب صوته ساعتها هيبقي سهل جدا نطلب كل المطالب دي وغيرها .
10- ايه رايكم في وائل غنيم . أحمد زويل .عمرو موسي .ايمن نور .البرادعي .حمدين صباحي ..مرشد الاخوان ..السيد البدوي.رفعت السعيد ..الخ من الشخصيات ؟؟؟ مش مهم مين الشخص المهم أننا لانفوض اي احد للحديث باسم الشهداء والجرحي ولا باسم ثورة الشباب مطالبنا واضحة وصريحة وبسيطة " وكل مصري له صوت ومن حقه يعبر عنه بدون أي وصاية واللي عاوز صوته يقنعه يوافق علي برنامجه في صندوق الانتخابات النزيه .
11- مش رئيس الدستورية العليا هوة اللى غير المواد اياها المشبوهة ؟؟ استفسار ممتاز ولا يصدر الا عن شخص واعي لكن اللي كان رئيسها ساعتها هو ممدوح مرعي ثم انتصار نسيم واللي كآفأهم مبارك بتعيينهم وزراء للعدل وعضو بمجلس الشوري علي الترتيب أما الرئيس الحالي فهو لم يتورط حتي الآن في شيء وبعدين حتي اذا كان وحش فمستحيل يكون اكبر اربعة قضاه في مصر ضلالية , أكيد اغلبيتهم هتكون احسن مش اوحش, خصوصا وهما شايفين الشعب عامل ازاي.... فحتي لو كانوا ضلالية كلهم والشعب أحس بأهمية صوته هيطلع الشعب بكل بساطة وتحضر في صندوق الانتخابات ويقول "لأ" لأي حاجة مش مظبوطة
12- ومش اكبر ضابطين في الجيش دول هما المشير طنطاوي والفريق عنان ودول من رجال مبارك الأوفياء؟؟؟أكبر اثنين ضباط حاليا في الجيش مهما كانوا قبل كده فايديهم لم تلوث حتي الآن بدماء اي مصري ومن مصلحتنا نحافظ عليهم علشان الاستقرار وعلشان كمان لا نفاجأ باي اثنين آخرين ممكن يكونوا ليهم اتصالات مع اي دول اجنبية ...دول عاشوا وشافوا بعنيهم قوة الشعب وضعف مبارك فهيعملوا حساب للشعب لكن لو نجحت اي قوي اجنبية تجيب اي اثنين غيرهم دلوقت فالاثنين الجداد هيعترفوا فقط بقوة الدولة اللي جابتهم وليس بقوة إرادة الشعب.
13- ياعم دا انت متشائم قوي وشككاك خللي عندك ثقة وسيبالناس تفرح الأول وتستريح ولو محدش نفذ أهو ميدان التحرير موجود ؟؟أقولك اللي مش بيتعلم من التاريخ يظل طول عمره طفلا في غزوة أحد كان المسلمين منتصرين في أولها ولما فرحوا بالنصر في أوله ونزلوا من مواقعهم ليجمعوا الغنائم التف عليهم العدو وحول نصرهم الي هزيمة منكرة وقتل سبعين منهم سيد الشهداء حمزة بن عبد المطلب
14- طيب ما نستني المفاوضات بين المعارضة والمجلس العسكري يمكن تجيب حاجة حلوة أو ما نستني بيان حركة كذا أو بيان الساعة كذا ؟أو نديلهم فرصة دي كلها ست شهور ؟ والإجابة : من أمتي الحداية بترمي كل اللي اتحقق ده اتحقق علشان كلنا كنا بنصرخ ونطلب أما لو سكتنا فمفيش حد هيدينا أي حاجة من عنده ولو كان عايز يديهلنا كان اعطاها لنا من 30 سنة كتاكيت أوعوا ينضحك عليكم وتستنوا منح او بيانات .أو مفاوضات خليكم دايما انتم الفعل وليس رد الفعل خليكم انتم دايما اللي بتشوطوا وهما اللي بيصدوا زي اللي بيلعب ضربة الجزاء بيبقي عند فرصة يجيب الجون أكثر من فرصة حارس المرمي في صده.
15- يعني نسيب البلد في فوضي من غير حكومة دي حكومة تسيير اعمال " ومؤقته" ؟؟ أقوله وهذه الحكومة اليس كل من فيها عينهم مبارك قبل رحيله وشاركوه سرقة الشعب طويلا كل ما ستفعله هذه الحكومة في الستة شهور هو القيام باصلاحات شكلية ولكن الهدف الرئيسي منها هو تهريب باقي الأموال الي الخارج واخفاء كل المستندات التي تدين مبارك وباقي العصابة وتكبيل المصريين بمعاهدات واتفاقات سرية تفرض علي الشعب ما لايريده .
16- ياعم حرام عليكم انت مش شايف ان المفسدين بيتحولوا للنائب العام وممنوعين من السفر وإقامة جبرية وتجميد ارصدة ؟؟؟ اقولك ودي اكبر خدعة الآن لما يبقي في حكم عسكري المفروض يتحولوا لمحاكمات عسكرية مش للنائب العام والمفروض كمان يتحطوا في الحبس مش يتمنعوا من السفر مينفعش تسيبهم في قصورهم الخمس نجوم بيأكلوا فايف ستارز ويهربوا فلوسهم لبرة دول اصلا مفيش معاهم فلوس جوة علشان تتجمد ونقول دول ممنوعين من السفر اللي زي دول مش بيهربوا من مطارات وموانيء ...ممكن يجيب يخت او سفينة او سيارات جيب تخوض عمق الصحراء .
17- لماذا كل هذا الحرص علي عدم تكوين لجان مفاوضات وحرصكم ايضا علي توصيل كل شيء لرجل الشارع ؟؟؟؟ أولا لان الناس هم من صنعوا هذه الثورة بصمودهم ودماء ابناءهم وثانيا لأن كل الثورات السابقة في مصر بعد الحملة الفرنسية وثورة 1919 وثورة52 وحرب 73 لم تحقق كل اهدافها بسبب وجود لجان ومفاوضات غير معلنة للناس مما يؤدي في النهاية الي اتفاقات لا يرضي عنها عامة الشعب ويؤدي نقل السلطة الي مجموعة جديدة تتظاهر بالنزاهة في الأول ثم تكون مجموعة مستبدة جديدة عندما يستقر لها الأمر ويعود الشعب مرة ثانيا الي القهر والذل ونحن غير مستعدين هذه المرة لان نضيع تضحيات شعبنا العظيم هباء.
18- مواقفكم هذه تؤدي الي رعب لدي الدول الصديقة والحليفة علي مصادر طاقتها وأمنها ؟؟؟؟ لا ينبغي لاي دولة حليفة ان تخاف مطلقا من قيام دولة ديموقراطية في مصر تحترم حقوق وكرامة الانسان لان كل تلك الدول مادامت ملتزمة بالاتفاقات الدولية وتنفذها فإن ذلك يضمن المصالح المتبادلة للطرفين فإنهم مهما كان انتماءهم سيحظون بعلاقات أقوي وبالتالي تأمينا أكبر لمصادر طاقتهم كما سيكسبون وضعا اشد صداقة مع كل شعب مصر أما اذا ارادت الإلتفاف علي ثورتنا فيجب عليها فعلا ان تخاف .
19- ماهي المباديء الاساسية التي تظنونها صالحة لاقامة شعب وحكومة مصرية قويين ؟؟؟؟
كل إنسان مصري من اليوم له احترامه ورأيه حر بلا اي وصاية داخلية من جماعات دينية أو أحزاب سياسية أو لجان أو حركات أيا كانت صفتها أو سطوتها ولا سلطان علي مصر أو شعبها من أي جهات خارجية إلا من خلال صداقتها والمنفعة المتبادلة المتكآفئة الموازين وعلي كل من له مصالح في مصر أن يخدم فقط هذا الإنسان ليقنعه أن يكون صوته معه عندما تطرح مصالحه علي طاولة التفاوض.....ونرحب بكل من يتفق معنا أو يختلف معنا مادام الإختلاف يبني علي المنطق والحوار والإقناع ..وفي النهاية صندوق الإنتخابات النزيه وصوت الناخبين .هو فقط ما يقرر مع من كانت الحجة التي اقنعت أغلبية شعب مصر.
20- لا ياعم انا مسيحي وخايف الديموقراطية توصل باسلاميين للحكم ؟؟ أولا شعب مصر واعي ومش هيسمح لحد يركب الثورة حتي ولو كانوا اسلاميين وبعدين انت مشفتش مين اللي حمي الكنائس في عدم وجود الشرطة مش المسلمين حموها معاك ,وحتي الاسلام لا ينكر حقك في المواطنة والذي سنص عليه الدستور صراحة فلك صوت وله صوت ولك اعلام وله اعلام ولك كنيسة وله مسجد ....من النهاية لك حرية وله حرية ....ولتتفقوا جميعا علي نصرة كل مظلوم وحرب كل ظالم حتي ولو ارتدي ثياب الدين فهو ظالم لا يحبه الله قال سيدنا المسيح عيسي عليه السلام " أحبوا اعدائكم باركوا لاعنيكم صلوا من اجل الذين يسيئون اليكم " طيب واللي بيحميني اعمله ايه مش تحبه اكثر وتصلي علشانه
21- انتم ازاي عاوزين تجمعوا بين المسلمين والمسيحيين في دولة ودول بيقولوا علي دول كافرين وبيكرههوهم والعكس بالعكس ؟؟؟؟ بص ياحبيبي من حق كل واحد يشوف جواه ان اللي مش علي دينه كافر لكن كافر ومؤمن دي اللي بيحاسب عليها ربنا مش احنا بيحاسب عليها في الآخر في الجنة او في النار ومن المبادي الأساية "لا إكراه في الدين " , وبعدين مهما كرهت حد مش معناها إنك تظلمه أنت مأمور تعدل معاه وتديله كمان فوق العدل شوية زيادة , ولا يجرمنكم شنئان قوم علي ألا تعدلوا إعدلوا هو أقرب للتقوي " .
22- انأ إسلامي وانت كده بتضربوا عقيدة الولاء والبراء ؟؟؟ نقولك ربنا بيقولك " لا ينهاكم الله عن الذين لم يقاتلوكم في الدين ولم يخرجوكم من دياركم ان تبروهم وتقسطوا اليهم إن الله يحب المقسطين إنما ينهاكم الله عن الذين قاتلوكم في الدين وأخرجوكم من دياركم وظاهروا علي إخراجكم أن تولولوهم ومن يتولهم فأولئك هم الظالمون " فأنت كمسام مأمور لتتكون من المقسطين الذين يحبهم الله بالعدل بل والبر مع غير المسلم الذي لم يحاربك في دينك ولم يخرجك من دارك فكيف اذن تعامل غير المسلم الذي ساعد معك علي قتال من ظلمك , وأنت كمسلم مأمور ان تكره وتبغض وتحارب من اخرجك من دارك وحاربك في دينك وظلم غيرك حتي ولو كان مسلم في الظاهر .
23- أنا إسلامي وكلامكم يهدف من النهاية لحذف المادة الثانية من الدستور ؟؟ نحن جميعا مسلمين ومسيحيين نعترف بأن اغلبية شعب مصر أغلبية مسلمة ونحن لن نسعي لإلغاء المادة الثانية من الدستور ولو حاول غيرنا ذلك فمن حق كل من لا يوافق أن يسقطه في صناديق الاستفتاء ويصبح منبوذا كما سيصبح كل من يقف ضد إرادة الأغلبية .... نحن فقط في حزبنا ندافع عن مباديء تتفق عليها كل الطوائف وهي الحق والعدالة ومحاربة الظالم ونصرة المظلوم ....وفي باقي الامور سنعود لرأي الأغلبية .
24- أنا مسيحي وخايف اني المسلمين يمنعوني من حق الترشيح أو اكون في موقع قيادي انا استحقه اكثر من مسلمين قد يكونون غير أكفاء ؟؟؟ عزيزي إطمأن فحزبنا ينادي بالمساواة والتفضيل علي اساس الكفآءة الوظيفية ومين يقدر يخدم الناس أحسن ولو نظام متطرف سواء إسلامي او مسيحي حاول التمييز علي اساس طائفي مش علي اساس الكفاءة فصدقني سيكون من السهل جدا كشفة من الناس لأن الشعب المصري مش عبيط وحتي لو نجح فهيكون حكم علي نفسه بنفس مصير حسني المخلوع الذي كان دائما يميز علي اساس طائفي ليس لمصلحة المسلمين ولكن لمصلحة حزبه فكان معه المفسدين من اسماءهم مسلمة ومسيحية ....أما شرفاء الشعب المصري فهم معا الآن أيضا مسلمين ومسيحيين علي ما لا يستطيع عاقل ان يختلف عليه وهو العدل والحق ونصرة المظلوم وحرب الظالم.
25- أنا مسلم ويجب تطبيق الشريعة الإسلامية علي الناس وفورا ؟ أقول لك إن النبي صلي الله عليه وسلم مرت دعوته بثلاث مراحل مرحلة دعوة في مكة 13 سنة منها مرحلة استضعاف هاجر فيها المسلمون الي بلاد الحبشة غير المسلمة لأن عندهم ملك عادل حماهم ثم عندما أرسل النبي صلي الله عليه وسلم مصعب بن عمير رضي الله عنه الي المدينة واقتنع معظم اهلها بالإسلام والشريعة الإسلامية هاجر اليهم النبي صلي الله عليه وسلم واصحابه وبدأوا ساعتها في تكوين الدولة في 10 سنوات, ولم يكرهوا أحدا من اهل المدينة علي ا الإسلام بل عاش بينهم الكافر والمنافق وحتي اليهود ماداموا تحت ظل حكم عادل لا يفرق بين الناس . فهناك ما يسمي بالمراحل والتكيف ...يعني الدعوة أولا ثم الهروب الي حيث الحرية وعندك حرية الدعوة والإعلام في دولة مدنيه ثم إذا استطعت إقناع غالبية الناس أن مصلحتهم فيما تدعوا اليه سيكون من السهل عليك تطبيق ما تريده الأغلبية لكن مع حفظ كافة حقوق الأقلية قال الله عز وجل لنبيه صلي الله عليه وسلم " أفأنت تكره الناس حتي يكونوا مؤمنين " . وقال عز وجل "أن تبروهم وتقسطوا اليهم إن الله يحب المقسطين " فلو عايز ربنا يحبك فعلا لابد أن تبر وتعدل مع أهل الكتاب اللي ساعدوك في احقاق الحق والحرب علي الظلم
26- أنا مسيحي ومش بحب المسلمين أو أنا مسلم ومش بحب المسيحيين ؟؟؟ إلي الإثنين نقول محدش فيكم هيجبركم تحبوا بعض لكن لازم أنتم الاثنين تحبوا العدل والحق لانهم من صفات ربنا ولانهم الضمانة الوحيدة لمنع الفتنة ولازم كمان انتم الاثنين تحبوا مصر وتعملوا من اجلها ومن أجل كل من يعيش فيها او يحتمي بها.
27- انتم حزب عاوز يسرق الثورة ويتسلق علي دماء الجرحي والشهداء ؟؟؟ حزبنا هو حزب فقط للتوافق ونشر العدالة والحق الحقيقة التي طالما غيبت عنا ونعدكم بأنه إذا تم ارساء القواعد والقوانين التي تكفل تنفيذ كل المطالب الشعبية العادلة أنه لن يترشح أي من أعضائنا في أي مناصب سياسية وسيكفينا فخرا وسعادة ان نعيش كمواطنين عاديين وسط شعب يعيش بحرية وعدالة وكرامة وسط العالم.
28- أنا قائد في الجيش أو لواء بالشرطة وتورطت في قضايا فساد وأخاف علي مستقبلي منكم ؟؟؟؟كل مصر من اليوم جديدة فقط اسرع واستخدم كل ما أوتيت من قوة وكل ما معك من اموال مصر التي اتتك بطريق غير عادلة لخدمة ثورتها ونشر هذه الأفكار إن أعجبتك بين كل الشعب بكل الطرق حتي ولو لم تعلن عن موقفك ولكن احتفظ بادلة تدل علي عملك الوطني لخدمة الثورة .وعند نجاح الثورة تفضل وتقدم بهذه الادلة واعد باقي الأموال التي وصلتك بشكل غير عادل وسنبقي لك منها ما يكفيك واولادك للعيش الكريم بقية حياتكم مع تكريمك كأحد ابطال الثورة وبهذا تستطيع ان تعيش شريفا أو تموت مخلصا غير خائن لوطنك واهله
29- أنا رجل اعمال كبير أو عضو مجلس مزور سابق ولي اموال وصفقات مشبوهة مع النظام السابق واريد التوبة والانضمام للشعب والعيش بشرف؟؟؟ يمكنك البدء فورا بساعدة الثورة بنشر افكارها في كل مكان وفور استبباب الامر والعودة للقانون الطبيعي اسرع بالتقدم للنيابات الإدارية التي تتبعها وقدم اعترافات باعتبارك شاهد ملك علي كل المفسدين واعدج الأموال المشبوهة وتخلص من الحرام وعش باقي حياتك بشرف كبطل وليس خائفا كلص
- 30- انتم حزب حالم وليس لكم رؤية إقتصادية للمستقبل ؟؟؟ نقول لك كل الثورات بدأت حلما ثم انتهت واقعا عندما آمن الناس من كان يصدق ان يطيح حلم 25 يناير بحكم الطاغية مبارك بها ولنطمأنك بأن لدينا خططا للمستقبل فها هي خططنا :
· بدأ انتخابات وتشكيل نقابات في كل مكان بدأ من مستوي الطلبة والاطباء والمهندسين وحتي كانسي الشوارع يقدس فيها رأي الجماعة لا رأي الرؤساء وتقدم كل نقابة منها مشاكلها وكيف تري طريقة حلها ..فتتكون عندنا آلاف الأفكار الصالحة لأصلاح الوطن وتطويره .
· إستعادة كل الأموال المنهوبة وسداد ديون مصر بالكامل منها ثم منح قروض بدون اي فوائد للشباب للزواج وتعمير الصحراء .
· تعويض كبير جدا وتكريم لكل شهيد وجريح ومعتقل ظلم في مصر قبل اليوم لنعطي للناس كلها الشجاعة بعد ذلك ليقفوا في وجه الظلم إذا حدث .
· توزيع إعانات عاجلة لكل الأسر الفقيرة والمحتاجة .
· تعديل مناهج التعليم لتناسب أحدث تطورات العصر ومشاريع القضاء علي الامية في مصر.
· إقامة مشروعات قومية عملاقة : محطات نووية للكهرباء - مشروع منخفض القطارة - مشروع تعمير سيناء – مشروعات الطاقة الشمسية وتصديرها لبلاد أوربا المحتاجة للطاقة وغيرها الآلاف من مشاريع مخترعي مصر التي ظلت في الأدراج طويلا .
· كل ما يقدمه الناس والمتخصصون من مشاريع يثبت جدواها وانها تخدم مصر والعالم
31- طيب انا معاكم وكلامكم كويس جدا بس مين هينفذه بشكل جيد ومين اللي بيتبني المطالب دي ؟؟؟ هو سعادتك مش مصري أنا وانت وكل المصريين هم المنفذين فقط خذ هذه الخطة وأطبع منها مئات النسخ وصورها ووزعها في كل حتة ولكل شيخ وقسيس وقائد سياسي وكبير عيلة وأقعد اشرحها في كل صلاة في كل جامع او كنيسة مجاورة ليك علشان نتجمع كلنا في مكان واحد وعلي فكرة واحدة .
كده كل الشعب فاهم كل خطوة طلبناها وهتتعمل ليه؟؟؟ وهيبقي التفاوض علي المكشوف واللعب علي الترابيزة مش تحتها.... واي مفاوضات تجري مع اي جماعات او سفارات او احزاب او حركات او لجان محدش منهم هيقدر يحقق مكاسب ويتسلق علي قفانا وعلي دماء الشهداء والجرحي إلا من خلال انه يقنعنا ويرضينا ويعمل لمصلحة مصر وأهل مصر فقط اللي هيبقي لصوتهم قيمة حقيقية لأول مرة و بصوتهم هيجيبوه وبصوتهم برضه ممكن يشيلوه لو معجبهمش .
وبرضه كده قفلنا السكة علي أي عدو أو متطرف أوقليل العقل أن يوقع الفتنة والانشقاق بين كل شعبنا
أنشروا في وسط الشباب وصوروها ووزعوها علي المساجد والكنائس يا جماعة ورقة التصوير بسبعة قروش بس
انضموا الينا جميعا علي صفحة شعب مصر علي الفيس بوك
بإذكل واحد مننا ن الله هيفتخر أنه في يوم خدم الحق والعدل وخدم مصر بلده وثورتها ولو حتي بورقة تصوير اللهم أجعل كل غد في مصر أحب اليك والينا من كل أمس ...اللهم ...آمين
تحريرا في 14فبراير 2011 م
بسم الله الواحد خالق الكون رب كل الناس الآمر بالحق والعدل وتعمير الأرض
نتحدي أي مصري مخلص من أي إتجاه أن يقرأ هذه الوثيقة ولا يعدل أويشارك فيها أو يوافق عليها
بضعة وثلاثون سؤالا ...وإجاباتها تحل معظم اشكليات الشعب المصري
فقط أصبر وأقرأ ...وشارك برأيك او بمجهودك
الله عز وجل قال في القرآن أول كلمة "إقرأ " والنبي صلي الله عليه وسلم قال " الحكمة ضالة المؤمن حيثما وجدها فهو أولي الناس بها " وسيدنا عيسي المسيح عليه أفضل الصلاة والسلام قال " ضل شعبي إن لم يقرأ "........فلو سمحتم أقرأوا الأول ثم أحكموا .
فقط عشر دقائق تقرأ فيها هذه الوثيقة حتي النهاية ستجد فيها بإذن الله إجابة شافية لكل تساؤلاتك ....وإن لم تجد إجابة عن سؤال يحيرك .........فما عليك إلا أن ترسله إلينا علي الإيميل لنجيبك عليه فورا.
لوسمحتم رأي كل الشعب المصري وتعديلاته وتساؤلاته تهمنا وتفيدنا جدا ...جدا ...فشاركونا بآراءكم
للتواصل
د / محمد حامد حجازي
ت : 0176122261 مصر
وبالله التوفيق
مصر ...الآن ستقرأ أو ستدمر للأبد كاريكاتير ...أعجبني كثيرا
البريد الإلكتروني :
mohammad.hegazy@yahoo.com
أو hegazy.mohammad@gmail.com
ليست هناك تعليقات:
إرسال تعليق